Նախատեսվում է Իսրայելի պաշտպանության նախարարի այցը Մարոկկո

Իսրայելի պաշտպանության նախարար Բեննի Գանցը առաջիկա ամիսների ընթացքում մեկնելու է Մարոկկո: Այս մասին գրում են իսրայելական լրատվամիջոցները:

Africa Intelligence լրատվական կայքի հաղորդմամբ՝ երկու երկրները ներկայումս համատեղ աշխատանքներ են իրականացնում՝ զարգացնելու Մարոկկոյում ԱԹՍ-ների արտադրությունը:

Համաձայն աղբյուրի՝  ԱԹՍ-ներ արտադրող BlueBird Aero իսրայելական կազմակերպությունը ամիսներ շարունակ բանակցություններ է վարել Մարոկկոյի հետ ԱԹՍ-ների արտադրությունը մեկնարկելու համար:

Նշենք, որ Իսրայելը և Մարոկկոն կարգավորել են երկկողմ հարաբերություններն «Աբրահամյան արձանագրությունների» շրջանակում 2020 թվականի դեկտեմբերին: Իսկ ընթացիկ տարվա օգոստոսին Իսրայելի ԱԳ ղեկավար Յաիր Լապիդն այցելել էր Մարոկկո և մասնակցել Ռաբաթում Իսրայելի դեսպանատան բացման արարողությանը