«Մենք ակնկալում ենք, որ Ռուսաստանը կարձագանքի և զգայունություն կցուցաբերի տարածաշրջանի երկրների սահմանների հավանական փոփոխությանը»,-հայտարարել է Իրանի արտգործնախարար Ամիր Աբդոլլահիանը Մոսկվա այցի մեկնարկին լրագրողներին տված հարցազրույցում:
Իրանի արտգործնախարարի խոսքով՝ Ռուսաստանի արտգործնախարար Սերգեյ Լավրովի հետ հանդիպմանը համակարգելու են Կովկասում տեղի ունեցող զարգացումների վերաբերյալ Իրանի դիրքորոշումները:
«Ակնկալում ենք, որ ՌԴ-ն զգայուն կլինի տարածաշրջանում ահաբեկիչների ներկայության և սիոնիստական ռեժիմի գործողությունների նկատմամբ, որոնք ուղղված են անվտագության ու խաղաղության դեմ։ Հաշվի առնելով Հարավային Կովկասում և Աֆղանստանում տիրող իրադրությունը՝ ռուս գործընկերների հետ լուրջ քննարկումներ ենք ունենալու»,- ավելացրել է Աբդոլլահիանը:
Լավրովի հետ Աբդոլլահիանի բանակցությունները նախատեսված են հոկտեմբերի 6-ին:
Հետևեք մեզ տելեգրամում
