Լիբանանի խորհրդարանի նախագահ Նաբիհ Բերրին հոկտեմբերի 28-ին Բեյրութի ՅՈՒՆԵՍԿՕ պալատում նախագահել է խորհրդարանի նիստ, որի ընթացքում պատգամավորները կողմ քվեարկեցին անփոփոխ թողնել խորհրդարանական ընտրությունները 2022 թվականի մարտի 27-ին անցկացնելու որոշումը: Այս մասին հայտնում են լիբանանյան ԶԼՄ-ները:
Պատգամավորները նաև 61 ձայնով կողմ քվեարկեցին երկրի նոր խորհրդարանում արտերկրի լիբանանցիների համար խորհրդարանական տեղերի ապահովմանը:
Սակայն «Ազատ հայրենասիրական շարժում» կուսակցության առաջնորդ Ջիբրան Բասսիլը քննադատել է խորհրդարանի ընդունած որոշումը՝ այն անվանելով «Ազգային ուխտի և սահմանադրական սկզբունքների կոպիտ ոտնահարում»:
Հիշեցնենք, որ Լիբանանում խորհրդարանական ընտրությունները պետք է տեղի ունենային մայիս ամսին: Սակայն դեռևս ընթացիկ տարվա սեպտեմբեր ամսից լիբանանցի պաշտոնյաները քննարկում էին ընտրությունների օրը փոփոխելու անհրաժեշտությունը՝ խուսափելու իսլամական Ռամադան պահքի ամսին դրանք անցկացնելուց:
Հետևեք մեզ տելեգրամում
