Կենտրոնական ընտրական հանձնաժողովի նախնական տվյալներով՝ Թբիլիսիի քաղաքապետի ընտրություններում հաղթել է «Վրացական երազանքի» թեկնածու Կախա Կալաձեն, տեղեկացնում է 1tv.ge-ն:
Աղբյուրի հաղորդմամբ՝ հաշվարկվել են 766 ընտրատեղամասի (99,61%) տվյալները։ Արդյունքները բաշխվել են հետևյալ կերպ. Կախա Կալաձե՝ «Վրացական երազանք» — 55,6% (257,546 ձայն), Նիկա Մելիա՝ «Միացյալ ազգային շարժում» — 44,4% (205,590 ձայն):
Նշենք նաև, որ ՏԻՄ ընտրությունների առաջին փուլում Կալաձեն ուներ 45,006%, Նիկա Մելիան՝ 34,001%։
Նախնական տվյալներով՝ բոլոր քաղաքներում, բացի Ծալենջիխայից, առաջատար են իշխող կուսակցության թեկնածուները։ Ընդդիմությունը չի ճանաչում ՏԻՄ ընտրությունների արդյունքները:
Հետևեք մեզ տելեգրամում
