Նոյեմբերի 7-ին Բաղդադում մահափորձ է կատարվել Իրաքի վարչապետ Մուստաֆա Ալ-Քազիմիի նկատմամբ ականապատ ԱԹՍ-ի միջոցով, հաղորդում է INA-ն: Վարչապետի նստավայրի տանիքում, որը գտնվում է Բաղդադի կենտրոնում՝ լավ ամրացված «կանաչ գոտում», կիրակի հայտնաբերվել է չպայթած արկ:Կառավարության ղեկավարն ինքն է հայտնել, որ չի տուժել:
Իրաքի ներքին գործերի նախարարության հայտարարության համաձայն, որը մեջբերում է իրաքյան INA լրատվական գործակալությունը, հարձակման մեջ ներգրավված է եղել երեք անօդաչու սարք, որոնցից երկուսը խոցվել են, երրորդը հայտնվել է նստավայրում: Բացի այդ, հարձակմանը նախորդել է ինտենսիվ փոխհրաձգությունը մայրաքաղաքի կենտրոնում։ Սկզբում հաղորդվում էր, որ վարչապետը վիրավորվել է, սակայն ավելի ուշ նա Twitter-ում գրել էր, որ իր հետ ամեն ինչ կարգին է։
«Ես լավ եմ և իմ ժողովրդի կողքին: Կոչ եմ անում բոլորին լինել հանգստություն ու զսպվածություն ցուցաբերել հանուն Իրաքի»,-գրել է նա Twitter-ի էջում:
Ինչպես հաղորդում է INA-ն՝ տուժել է վարչապետի անվտանգության ծառայության 10 աշխատակից, իսկ վարչապետի նստավայրին հասցվել է նյութական վնաս:
Ներկայում դեպի «կանաչ գոտի» բոլոր մուտքերի մոտ զգալիորեն ուժգնացված են անվտանգության միջոցառումները: Իրաքի ԶՈՒ հայտարարության համաձայն՝ այդտեղ անվտանգության իրավիճակը կայուն է և գտնվում է հսկողության ներքո:
Հետևեք մեզ տելեգրամում
