Նոյեմբերի 14-ին ռազմական ԱԹՍ-ներ արտադրող իսրայելական Elbit Systems ընկերությունը հայտարարել է, որ Արաբական Միացյալ Էմիրություններում մասնաճյուղ է բացել, գրում է Al Jazeera-ն:
Ընկերության հրապարակած հայտարարության մեջ նշված է, որ մասնաճյուղի բացման նպատակը ԱՄԷ զինված ուժերի հետ երկարաժամկետ համագործակցության հաստատումն է:
«ԱՄԷ-ն և տարածաշրջանի այլ երկրները կարևոր նոր շուկաներ են մեզ համար: Մենք հավատում ենք, որ մեր արտադրանքներով կարող ենք դիմակայել տարածաշրջանի մարտահրավերներին»,- ասել է Elbit Systems-ի փոխտնօրեն Ռան Կրեյլը:
Իսկ Իսրայելի պաշտպանության նախարարի գրասենյակը նոյեմբերի 14-ին տեղեկացրել էր, որ նախարար Բեննի Գանցը և այլ բարձրաստիճան պաշտոնյաները հաջորդ շաբաթ մեկնելու են Դուբայ՝ բացելու «առաջին իսրայելական տաղավարը» ԱՄԷ-ում՝ ռազմական արդյունաբերության առևտրային տոնավաճառում:
Նշենք, որ Իսրայելը և ԱՄԷ-ն դիվանագիտական հարաբերությունները կարգավորել են 2020 թվականին ԱՄՆ նախկին նախագահ Դոնալդ Թրամփի նախաձեռնությամբ «Աբրահամյան արձանագրությունների շրջանակներում:
Հետևեք մեզ տելեգրամում
