Ժամանակն է ընդունել իմ առաջարկը՝ դադարեցնել Ադրբեջանին տրամադրվող ռազմական օգնությունը. Մենենդես

ԱՄՆ Սենատի արտաքին հարաբերությունների հանձնաժողովի նախագահ Բոբ Մենենդեսը մտահոգիչ է համարել հաղորդագրությունները նոյեմբերի 16-ին Ադրբեջանի կողմից ՀՀ արևելյան սահմանագոտու ուղղությամբ հարձակման հետևանքով հայ զինծառայողների զոհվելու և գերեվարվելու մասին: Մենենդեսի հայտարարությունը տարածել է ԱՄՆ Սենատի արտաքին հարաբերությունների հանձնաժողովի Twitter-ի էջը:

Մենենդեսն ընդգծել է, որ ԱՄՆ-ի կողմից Ադրբեջանին տրամադրվող ռազմական աջակցությունը օգնում է հնարավոր դարձնել էթնիկ հայերի դեմ ուղղված հրեշավոր գործողությունները: «Ժամանակն է ընդունել իմ առաջարկած փոփոխությունն այդ օգնությունը դադարեցնելու մասին»,- նշել է Մենենդեսը:

Reports of Armenian casualties and Armenian soldiers taken as political prisoners by Azerbaijan are deeply concerning. Defense aid to 🇦🇿 helps enable these heinous acts against ethnic Armenians. It is time to pass my NDAA amendment cutting this aid. https://t.co/gyKNXSSRiA
— Senate Foreign Relations Committee (@SFRCdems) November 17, 2021

Ավելի վաղ սենատոր Բոբ Մենենդեսն ԱՄՆ կոնգրեսի երկու բանաձև է ներկայացրել, որոնցով կոչ է անում դադարեցնել Թուրքիային և Ադրբեջանին սպառազինությունների վաճառքը: