Թուրքիայի զինված ուժերը ռմբակոծել են Հալեպի արվարձանում տեղակայված երկու գյուղեր, որոնք գտնվում են քրդական զինված ուժերի վերահսկողության տակ, նոյեմբերի 23-ին գրում է Մարդու իրավունքների սիրիական դիտարանը (SOHR):
SOHR-ը պարզաբանում է, որ թուրքական ծանր հրետանին թիրախավորել է քրդական դիրքերը՝ մասնավորապես Ալ-Մալիքիյա և Շավարղա գյուղերը, ինչպես նաև Մինաղ ռազմական օդանավակայանի մերձակայքը: Տուժածների մասին ոչինչ չի հաղորդվել:
Նշենք, որ երկու օր առաջ թուրքական զինված ուժերը կրկին ռմբակոծել էին Հալեպի հյուսիսում տեղակայված քրդական դիրքերը և վարչակարգի ուժերը:
Դիտարանը հաղորդում է, որ անհայտ մի զինյալ Դեր Զորի հյուսիսում քրդերի վերահսկողության տակ գտնվող, լավ ամրացած Ալ-Բուսայրա քաղաք է ներխուժել և կրակ բացել: Տուժածների մասին դարձյալ ոչինչ չի հաղորդվել:
Հետևեք մեզ տելեգրամում
