Դեկտեմբերի 13-ին Սիրիայի Դեր Զոր նահանգի Ալ-Բուսայրա քաղաքում ԱՄՆ զինված ուժերը ռազմաօդային լայնածավալ օպերացիա են իրականացրել:
Ինչպես հաղորդում է SANA-ն, ամերիկյան զինված ուժերը, ի աջակցություն հիմնականում քրդերից բաղկացած «Սիրիայի դեմոկրատական ուժերի», իրականացրել են նմանատիպ օպերացիա, որն էլ ուղեկցվել է 3 քաղաքացիական անձանց սպանություններով և մի շարք բնակիչների ձերբակալմամբ:
Իսկ Մարդու իրավունքների սիրիական դիտարանը (SOHR) հաղորդել է, որ Ալ-Բուսայրա քաղաքում և դրա մերձակայքում իրականացված գործողությունը ուղղված է եղել «Իսլամական պետություն» ահաբեկչական կազմակերպության դեմ:
Նշենք, որ նախորդ օրը՝ դեկտեմբերի 12-ին, Դեր Զորում ԻՊ-ի գործող ցանցերը հարձակումներ էին իրականացրել պաղեստինյան «Ալ-Կուդս» բրիգադներին ենթակա խմբավորումների և Սիրիայի վարչակարգի զինված ուժերի մարտական դիրքերի վրա, որի հետևանքով սպանվել են 7 զինծառայողներ, վիրավորվել՝ ևս 17-ը:
Հետևեք մեզ տելեգրամում
