Իրանն Ամերիկայի Միացյալ Նահանգների 20 քաղաքացիների ներառել է մարդու իրավունքների խախտման համար պատժամիջոցների ցուցակում։ Այս մասին հայտարարել է ԻԻՀ դատական իշխանության ղեկավարի միջազգային հարցերով և մարդու իրավունքների գծով տեղակալ Ղարիբ Աբադին, գրում է ՏԱՍՍ-ը։
«Ամերիկյան ռեժիմն իրավունք չունի կրել մարդու իրավունքների դրոշը և, դրանով արդարացնելով, պատժամիջոցներ սահմանել պետությունների դեմ»,-ասել է Աբադին, ում խոսքը մեջբերում է Երիտասարդ լրագրողների ակումբ գործակալությունը։
«Դրա հիման վրա մենք որոշեցինք պատժամիջոցների ցանկում ներառել ԱՄՆ-ից ֆիզիկական և իրավաբանական անձանց, որոնք ներգրավված են մարդու իրավունքների խախտումներում»,-հավելել է Աբադին։
Ղարիբ Աբադիի խոսքով՝ ավելի քան 20 ֆիզիկական և իրավաբանական անձինք ընդգրկված են պատժամիջոցների ցանկում:
Հետևեք մեզ տելեգրամում
