ՄԱԿ-ի փոխհատուցման կոմիտեն հայտնել է, որ Իրաքն ավարտել է 52,4 միլիարդ դոլարի վճարումն այն անհատներին, ընկերություններին և կառավարություններին, ովքեր ապացուցել են, որ վնասներ են կրել 1990 թվականին Իրաքի կողմից Քուվեյթ ներխուժման և օկուպացիայի պատճառով:
Փոխհատուցման կոմիտեն չորեքշաբթի հայտարարել է, որ վերջին՝ հունվարի 13-ին կատարած վերջնական վճարումով, կոմիտեի կողմից հաստատված բոլոր փոխհատուցումները Իրաքն ամբողջությամբ վճարել է:
Նշենք, որ 1991 թվականին ձևավորվել էր ՄԱԿ-ի Փոխհատուցման հանձնաժողովը , որը Բաղդադին պարտավորեցրել էր վճարել 52.4 միլիարդ դոլարի փոխհատուցում Քուվեյթի պետական կազմակերպություններին, ընկերություններին, անհատներին և այլոց, ովքեր ուղղակի վնասներ են կրել Պարսից ծոցի պատերազմի հետևանքով:
Իրաքը դադարեցրել էր վճարումներ կատարելը 2014 թվականին ԻՊ-ի դեմ պատերազմի ժամանակ, քանի որ այն վերահսկում էր Իրաքի մեկ երրորդ հատվածը: Փոխհատուցման վճարումները Իրաքը շարունակել է կատարել 2018 թվականից:
Հիշեցնենք, որ Պարսից ծոցի ճգնաժամը սկսվել էր 1990 թվականի հուլիսին, երբ Իրաքը՝ Սադամ Հուսեյնի գլխավորությամբ ներխուժեց Քուվեյթ:
Հետևեք մեզ տելեգրամում
