ԱՄՆ Պետդեպարտամենտը հայտարարել է, որ «Ալ-Կաիդային» կից խմբավորումը, որը հիմնականում գործում է Սիրիայի Իդլիբ նահանգում՝ հայտնի «Թավհիդ (թարգմ․՝ միաստվածություն) և ջիհադ բրիգադ» անվամբ, դասել է «ահաբեկչական կազմակերպությունների» շարքին։
Բացի այդ՝ պետդեպի տարածած հայտարարության մեջ նշվել է, որ «Թավհիդ և ջիհադ բրիգադ» խմբավորումն ավելացվել է նաև պատժամիջոցների ցանկում, որն էլ իր հերթին պարտավորեցնում է ՄԱԿ-ի անդամ բոլոր երկրներին սառեցնել խմբավորման ակտիվները, ճանապարհորդության արգելք և զենքի էմբարգո սահմանել խմբավորման դեմ։
Պետդեպարտամենտը հայտարարել է, որ այս որոշումը կայացվել է «Սիրիայի չկառավարվող տարածքներում ահաբեկչական գործողությունների դեմ պայքարում ԱՄՆ-ի հանձնառության շրջանակներում»:
Հետևեք մեզ տելեգրամում
