Վրաստանը նոր արտգործնախարար ունի

Վրաստանի արտաքին գործերի նոր նախարար է դարձել 41-ամյա Իլյա Դարչիաշվիլին։

Վրաստանի վարչապետ Իրակլի Ղարիբաշվիլին ճեպազրույցում տեղեկացրել է, որ Դավիթ Զալկալիանին աշխատանքը կշարունակի Ամերիկայի Միացյալ Նահանգներում՝ որպես Վրաստանի դեսպան, տեղեկացրել է «Новости-Грузия»-ն։

Նշենք, որ Իլյա Դարչիաշվիլին 2021թ.-ից զբաղեցրել է կառավարության աշխատակազմի ղեկավարի պաշտոնը, իսկ մինչ այդ Լեհաստանում Վրաստանի դեսպանն էր։ Իսկ 2015-2016թթ.-ին զբաղեցրել է Վրաստանի տարածաշրջանային զարգացման և ենթակառուցվածքների փոխնախարարի պաշտոնը։ 2016-2017թթ.-ին Դարչիաշվիլին նշանակվել է Վրաստանի արտաքին գործերի նախարարության Արտակարգ հանձնարարությունների դեսպան։