Կատարի Էմիրը շուտով այցելելու է Թեհրան: Տեղեկությունը հաստատել է Իրանի ԱԳՆ խոսնակ Սաիդ Խաթիբզադեն երկուշաբթի կայացած մամուլի ասուլիսի ժամանակ:
«Կատարի էմիրի այցը Թեհրան օրակարգում է և ներառում է երկկողմ տարածաշրջանային և միջազգային մի շարք խնդիրների քննարկում»,- հայտարարել է Խաթիբզադեն:
Նրա խոսքով՝ այս այցից հետո Իրանի նախագահը կմեկնի ԱՄԷ:
Նախօրեին Reuters-ը տեղեկացրել էր, որ Կատարի էմիր շեյխ Թամիմ բըն Համադ Ալ-Թանին կմեկնի Իրան, ապա Գերմանիա, Մեծ Բրիտանիա և եվրոպական այլ երկրներ՝ Իրանի միջուկային ծրագիրը քննարկելու համար:
Աղբյուրը հավելում է, որ էմիրի այցի նպատակը Իրանի միջուկային պայմանագրի կողմերի միջև «փոխզիջման համար նոր տեղ գտնելն» է: Այս այցին նախորդել էր Իրան-ԱՄՆ անուղղակի բանակցությունները, որոնք փակուղի մտան: Պաշտոնական Թեհրանը պահանջում էր Վաշինգտոնից Իսլամական հեղափոխության պահապանների կորպուսը հանել ահաբեկչական կազմակերպությունների ցանկից:
Հիշեցնենք, որ Կատարի էմիրը վերջին անգամ Իրան էր այցելել 2020 թվականի հունվարին՝ ԱՄՆ-ի կողմից Հեղափոխության պահապանների գլխավոր հրամանատար Ղասեմ Սոլեյմանիի սպանությունից հետո Թեհրանի և Վաշինգտոնի միջև առաջացած լարվածությունը նվազեցման համար:
Հետևեք մեզ տելեգրամում
