Հռոմի Ֆրանցիսկոս պապը հնարավոր է հետաձգի հաջորդ ամիս նախատեսվող այցը Լիբանան՝ առողջական խնդիրների պատճառներով: Տեղեկությունը հաղորդել է Լիբանանի զբոսաշրջության նախարար Վալիդ Նասարը:
Նա չի նշել, թե ինչ առողջական խնդիրների մասին է խոսքը: Սակայն հայտնի է, որ Հռոմի պապը ծնկային ցավեր ունի և վերջին ամիսներին զգալիորեն սահմանափակվել է նրա շարժունակությունը:
Լիբանանցի պաշտոնյայի խոսքով՝ Բեյրութը պաշտոնական հայտարարության է սպասում Վատիկանից այցի հետաձգման վերաբերյալ:
Նշենք, որ Լիբանանի նախագահի գրասենյակի հաղորդմամբ՝ Հռոմի պապը հունիսին այցելելու էր Լիբանան:
Ֆրանցիսկոս պապի այցը կլիներ Հռոմի պապի առաջին այցը միջերկրածովյան երկիր: Վերջին անգամ 2012 թվականին Բենեդիկտոս XVI պապը եռօրյա այց էր կատարել Լիբանան։
Հետևեք մեզ տելեգրամում
