Կատարի էմիր շեյխ Թամիմ բըն Համադ Ալ-Թանին պաշտոնական այցով ժամանել է Թեհրան, որտեղ հանդիպել է Իրանի նախագահ Էբրահիմ Ռայիսիի և իրանցի այլ բարձրաստիճան պաշտոնյաների հետ: Տեղեկությունը փոխանցում է Gulf Times կատարական օրաթերթը:
Հանդիպման օրակարգում են երկկողմ հարաբերությունների և տարբեր ոլորտներում դրանց ամրապնդման ուղիների քննարկումները:
Քննարկվելու են տարածաշրջանային անվտանգությանն ու կայունությանն առնչվող հարցեր, ինչպես նաև միջազգային վերջին զարգացումները:
Իրանական պետական լրատվամիջոցները պնդում են, որ Կատարի էմիրի այցը տարածաշրջանային երկրների հետ Իրանի կապերի ընդլայնման ուղեծրում է: Իսկ ավելի վաղ Reuters-ը տեղեկացրել էր, որ էմիրի այցի նպատակը Իրանի միջուկային պայմանագրի կողմերի միջև «փոխզիջման համար նոր տեղ գտնելն» է:
Հետևեք մեզ տելեգրամում
