Ռուսաստանի և Ադրբեջանի հարաբերությունները լավ վիճակում են: Այս մասին հայտարարել է ՌԴ նախագահ Վլադիմիր Պուտինն Աշխաբադում Կասպից ծովի գագաթաժողովի շրջանակում ադրբեջանցի գործընկեր Իլհամ Ալիևի հետ հանդիպման սկզբում։
«Այն ամենը, ինչ մենք պայմանավորվել ենք, կատարվում է։ Ապրանքաշրջանառությունն աճում է. Անցյալ տարի այն աճել է ավելի քան 16 տոկոսով, մեր վիճակագրության համաձայն՝ այս տարվա առաջին երեք ամիսներին աճել է մոտ 5.5 տոկոսով, այսինքն՝ կայուն աճը շարունակվում է։
Բայց ամենակարևորը մեր ծրագրերի իրականացումն է, ավելի ճիշտ՝ մինչև 2024 թ. մեր համատեղ պլանը (ռուս-ադրբեջանական համագործակցության)։ Մեզ մոտ ամեն ինչ առաջ է շարժվում: Իհարկե, կան տարածաշրջանային անվտանգության խնդիրներ, այդ թվում և առաջին հերթին՝ ղարաբաղյան կարգավորման հետ կապված։ Մենք դա քննարկել ենք ձեզ հետ, և այժմ հնարավորություն կունենանք նորից քննարկելու այս թեման,- հայտարարել է Պուտինը:
Ալիևը հույս է հայտնել, որ երկու երկրների միջեւ հարաբերություններն ապագայում կշարունակեն հաջողությամբ զարգանալ։
«Մենք վստահ ենք, որ Ռուսաստանի և Ադրբեջանի միջև հարաբերությունները հաջողությամբ կզարգանան՝ ի շահ մեր երկրների և ժողովուրդների»,- ասել է նա։
Հետևեք մեզ տելեգրամում
