Իրանի ԱԳ նախարար Ամիր Աբդոլլահիանը հեռախոսազրույց է ունեցել Ուկրաինայի պաշտոնակից Դմիտրի Կուլեբայի հետ: Տեղեկությունը փոխանցում է IRNA լրատվամիջոցը:
Աբդոլլահիանը վերահաստատել է, որ Իրանը դեմ է պատերազմին և ընդգծում է քաղաքական կարգավորման վրա կենտրոնանալու անհրաժեշտությունը:
Նրա խոսքով՝ Իրանի ու Ուկրաինայի հարաբերությունները միշտ բարեկամության ու փոխադարձ հարգանքի վրա են հիմնված եղել և Իրանը պատրաստ է մասնակցել Սև ծովում հացահատիկի միջանցք ստեղծելու համաձայնությանը:
Իրանի արտգործնախարարն ուկրաինացի իր գործընկերոջն հրավիրել է Իրան:
Ուկրաինայի ԱԳ նախարար Կուլեբան իր հերթին շնորհակալություն է հայտնել Իրանի դիրքորշման համար և նշել, որ Կիևը պատրաստ է ընդունել ցանկացած օգնություն և քաղաքական աջակցություն, որը կնպաստի ճգնաժամին վերջ դնելուն:
Կուլեբան Աբդոլլահիանին հրավիրել է Ուկրաինա:
Հետևեք մեզ տելեգրամում
