Կրեմլը հույս ունի, որ ԱՄՆ նախագահ Ջո Բայդենի այցը Սաուդյան Արաբիա չի օգտագործվի հակառուսական հարաբերություններ խթանելու համար: Այս մասին այսօր հայտարարել է ՌԴ նախագահի խոսնակ Դմիտրի Պեսկովը:
Նա հավելել է, որ Ռուսաստանը բարձր է գնահատում Սաուդյան Արաբայի հետ համագործակցությունը «OPEC+»-ի շրջանակներում:
«Մենք բարձր ենք գնահատում մեր հարաբերությունները և փոխգործակցությունը Ռիադի հետ և, անշուշտ, հուսով ենք, որ Ռիադի և աշխարհի այլ մայրաքաղաքների միջև հարաբերությունների կառուցումն ու հարաբերությունների զարգացումը ոչ մի կերպ չի ուղղված լինի մեր դեմ»,- հայտարարել է Պեսկովը:
Սաուդյան Արաբիան և Ռուսաստանը ամուր տնտեսական և դիվանագիտական հարաբերություններ ունեն: Բացի այդ՝ երկու երկրները համագործակցում են «OPEC+»-ի շրջանակներում՝ աջակցելու նավթային շուկաների կանությանն ու հավասարակշռությանը:
Նշենք, որ «OPEC+»-ը դաշինք է, որը ներառում է Նավթ արտահանող երկրների կազմակերպության (OPEC) անդամներին և Ռուսաստանին:
Հետևեք մեզ տելեգրամում
