Այսօր ԱՄՆ նախագահ Ջո Բայդենը ժամանել է Իսրայել: Սա նրա առաջին այցն է որպես ԱՄՆ նախագահ, իսկ որպես քաղաքական գործիչ՝ 10-րդը:
Բեն Գուրիոն օդանավակայանում նրան դիմավորել են Իսրայելի նախագահ Իցխակ Հերցոգը և վարչապետ Յաիր Լապիդը:
Օդանավակայանում Բայդենը ողջունել է Իսրայելի և ԱՄՆ-ի միջև հարաբերությունները:
«Պատիվ է ևս մեկ անգամ կանգնել ընկերների կողքին և այցելել Իսրայել՝ հրեական անկախ պետություն», – շեշտել է Բայդենը:
Նա նշել է, որ առաջին անգամ Իսրայել է այցելել որպես երիտասարդ սենատոր 1973 թվականին՝ Յոմ Կիպուրի պատերազմից առաջ։
Իսրայելի վարչապետ Յաիր Լապիդը նույնպես ողջունել է ԱՄՆ նախագահին՝ նրան անվանելով «մեծ սիոնիստ և Իսրայելի լավագույն բարեկամներից մեկը»:
Հետևեք մեզ տելեգրամում
