Կահիրեն, Անկարան և Ռիադը պլանավորում են BRICS-ին անդամակցելու հայտեր ներկայացնել: Այդ մասին հայտնում Է «Իզվեստիան»՝ վկայակոչելով BRICS միջազգային համաժողովի նախագահ Փուրնիմա Անանդին:
«Այդ բոլոր երկրները ցույց են տվել միանալու իրենց շահագրգռությունը և պատրաստվում են տալ անդամակցության հայտեր: Ես կարծում եմ, որ դա լավ քայլ Է, քանի որ ընդլայնումը միշտ Էլ ընկալվում Է դրականորեն, դա ակնհայտորեն կուժեղացնի BRICS-ի ազդեցությունն ամբողջ աշխարհում»,- հայտարարել Է Անանդը:
Նա նաև հայտնել Է, որ հնգյակից, որի մեջ են մտնում Արգենտինան, Եգիպտոսը, Իրանը, Սաուդյան Արաբիան եւ Թուրքիան, որոշ պետությունների անդամակցության քննարկմանը եւ հնարավոր որոշմանը կարելի Է սպասել արդեն հաջորդ գագաթնաժողովին:
«Ես հուսով եմ, որ երկրների անդամակցումը BRIC-ին տեղի կունենա շատ արագ, որովհետև այժմ միավորման միջուկի բոլոր ներկայացուցիչները շահագրգռված են ընդլանման հարցում: Այնպես որ դա կլինի շատ շուտով»,- կարծում Է Անանդը, հաղորդել Է ՏԱՍՍ-ը:
Նշենք, որ BRICS-ը 5 երկրների միավորում է, որ կազմում են Բրազիլիան, Ռուսաստանը, Հնդկաստանը, Չինաստանը և Հարավաֆրիկյան Հանրապետությունը:
Հետևեք մեզ տելեգրամում
