ՄԱԿ Անվտանգության խորհուրդը դատապարտել է Իրաքի Դոհուկ նահանգում նախորդ շաբաթ իրականացված հարձակումը: Այս մասին հայտարարություն է տարածել ՄԱԿ ԱԽ-ը, փոխանցում է INA լրատվամիջոցը:
Հայտարարությունում նշված է որ ԱԽ անդամները ցավակցություն են հայտնել զոհվածների ընտանիքներին, Իրաքի կառավարությանը և Քուրդիստանի տարածաշրջանային կառավարությանը:
ԱԽ-ը կոչ է արել անդամ բոլոր պետություններին ակտիվորեն համագործակցել Իրաքի կառավարության և համապատասխան մարմինների հետ միջադեպի հետաքննության գործընթացում:
Հիշեցնենք, որ նախորդ շաբաթ Իրաքի ինքնավար Քուրդիստանի Դոհուկ նահանգի Զախո քաղաքի ուղղությամբ թուրքական զինված ուժերը հրթիռներ էին արձակել: Հարձակման հետևանքով զոհվել է 9 խաղաղ բնակիչ, վիրավորվել՝ 23-ը՝ մեծամասամբ կանայք և երեխաներ: Թուրքական կողմը հերքում է իրեն ուղղված մեղադրանքները՝ միջադեպը համարելով ՝ քուրդ զինյալների կողմից իրականացված ահաբեկչական գործողություն: Իսկ Իրաքի վարչապետ Մուստաֆա Կազեմին հայտարարել էր, որ Բաղդադը դիմում է ներկայացրել ԱԽ-ին թուրքական հարձակման առնչությամբ:
Հետևեք մեզ տելեգրամում
