Tehran Times-ը օրեր առաջ հոդված էր հրապարակել, համաձայն որի՝ Իրանի ձեռքբերումները ռազմական անօդաչու թռչող սարքերի ստեղծման գործում ակնառու են:
«Իրանն այժմ անօդաչու թռչող սարքի ստեղծմամբ առաջատար է, և նրա ձեռքբերումները ճանաչվում են նույնիսկ նրա հակառակորդները», – նշվում է հոդվածում:
Հրապարակման մեջ նշվում է, որ վերջին տասնամյակի ընթացքում իրանական գիտությանը և արդյունաբերությանը հաջողվել է ստեղծել մարտական, հետախուզական և հսկողության անօդաչու թռչող սարքերի ամբողջական շարք: Մասնավորապես, հուլիսի սկզբին Իրանի բանակի ռազմածովային ուժերը հանդիսավոր կերպով գործարկել են անօդաչու սարքերի առաջին հայրենական ավիակիրը։
Ավելի վաղ Իրանը հերքել էր Ռուսաստանին իրանական անօդաչու թռչող սարքերի տրամադրման մասին Վաշինգտոնի հայտարարությունները:
Իրանի արտգործնախարարության մամուլի խոսնակ Սաիդ Խաթիբզադեն նշել էր, որ վերջին շրջանում այդ ոլորտում համագործակցության որևէ զարգացում չի նկատվում:
ԱՄՆ նախագահի ազգային անվտանգության հարցերով օգնական Ջեյք Սալիվանը հայտարարել էր, թե Իրանը պատրաստվում է անօդաչու թռչող սարքեր փոխանցել Ռուսաստանին՝ Ուկրաինայում օգտագործելու համար:
Հետևեք մեզ տելեգրամում
