Իրանի արտգործնախարարության խոսնակ Նասեր Քանաանին հաստատել է, որ Սաուդյան Արաբիայի թագաժառանգ Մուհամմադ բին Սալմանը ողջունում է Իրանի հետ «հանրային բանակցությունների» վարումը՝ խնդիրների լուծման համար:
Քանաանին շաբաթական մամուլի ասուլիսի ժամանակ ողջունել է բանակցությունների հաջորդ փուլի անցկացումը՝ շնորհակալություն հայտնելով Բաղդադի ջանքերին և դերակատարությանը այդ գործընթացում:
Խոսնակը նաև նշել է, որ նախորդ «հինգ փուլերը դրական էին»։
Ավելի վաղ Իրանի արտգործնախարար Հոսեյն Ամիր Աբդոլլահիանը հայտարարել էր, որ Իրանը և Սաուդյան Արաբիան պատրաստակամություն են հայտնել Իրաքի միջնորդությամբ անցկացված բանակցությունները «անվտանգությունից» տեղափոխել «հանրային և քաղաքական» մակարդակ։
Հիշեցնենք, որ 2016 թվականից ի վեր Իրանի և Սաուդյան Արաբիայի հարաբերությունները խզվել են: Միայն անցյալ տարի երկու երկրները սկսել են բանակցություններ վարել Բաղդադի միջնորդությամբ:
Հետևեք մեզ տելեգրամում
