Իրաքի մայրաքաղաք Բաղդադում վերջին անգամ ձյուն տեղացել էր 2008 թվականին։ Փետրվարի 10-ին 12 տարվա ընդմիջումից հետո Բաղդադում դարձյալ ձյուն է տեղացել։ Արմավենու ծառերը պատվել են ձյան սպիտակ շերտով՝ անսովոր գեղեցիկ տեսք հաղորդելով քաղաքին։
Մերձարևադարձային կլիմա ունեցող Բաղդադում ջերմաստիճանը նվազել է մինչև -2 աստիճան։
Բնակիչներին ձյունը զարմանք է պատճառել։ Սակայն առավոտյան արդեն ջերմաստիճանը աստիճանաբար բարձրացել է, և ձյունն սկսել է հալվել։ Այնուամենայնիվ բազմաթիվ մարդիկ հասցրել են լուսանկարել ձյունածածկ Բաղդադը։
Հետևեք մեզ տելեգրամում
