ԱՄՆ կառավարությունը պայմանագիր է կնքել ամերիկյան «Boeing» ավիաընկերության հետ՝ Իսրայելին «KC-6A» դասի լրացուցիչ 4 ինքնաթիռ մատակարարելու համար:
Իսրայելական Haaretz լրատվամիջոցի տեղեկությունները՝ ինքնաթիռների գնման պայմանագիրը ստորագրվել է Իրանի միջուկային համաձայնագրի հնարավոր վերականգնման ֆոնին:
Համաձայն «Boeing» ավիաընկերության տարածած հաղորդագրության՝ «KC-6A» դասի ինքնաթիռները հնարավորություն են տալիս օդում լիցքավորել Իսրայելի ռազմաօդային ուժերի ինքնաթիռները:
Հաղորդվել է նաև, որ ինքնաթիռները գնվել են 927 մլն ամերիկյան դոլարով: Նոր սպառազինությունները մատակարարվելու են Իսրայելին 2025 թվականից մինչև 2026 թվականն ընկած ժամանակահատվածում:
Իր հերթին Իսրայելի պաշտպանության նախարար Բենի Գանցը շնորհակալություն է հայտնել ԱՄՆ պաշտպանության նախարարությանը լրացուցիչ սպառազինության համար։
«Նոր F-35 էսկադրիլիաները, բեռնատար ուղղաթիռները, սուզանավերը և առաջադեմ սպառազինությունները կծառայեն Իսրայելի զինված ուժերին՝ դիմագրավելու մեր առջև ծառացած հսկայական մարտահրավերներին»:
Հետևեք մեզ տելեգրամում
