«Արժանի գործընկեր» բազմազգ զորավարժության ամփոփիչ միջոցառման ժամանակ Վրաստանի վարչապետ Իրակլի Ղարիբաշվիլին ելույթում ասել է, որ այն ևս մեկ հետևողական քայլ է միջազգային համագործակցության, Վրաստանի հպարտ բանակի պրոֆեսիոնալիզմի և ՆԱՏՕ-ի հետ փոխգործունակության խորացման ուղղությամբ:
Ղարիբաշվիլին շնորհակալություն է հայտնել զորավարժություններին ներգրավված զինծառայողներին և վրացի զինվորականներին՝ նշելով, որ նրանք ևս մեկ անգամ ցույց են տվել իրենց բարձր պրոֆեսիոնալիզմն ու պատասխանատվությունը։
«Նաև ուզում եմ հատուկ շնորհակալություն հայտնել մեր հիմնական ռազմավարական գործընկերոջը՝ Ամերիկայի Միացյալ Նահանգներին, ուսուցման կազմակերպման և իրականացման գործում ունեցած ներդրման համար։ Մեր համագործակցությունը և գործընկերությունն ուժեղ և աճող դինամիկա է, որն ուղղված է մեր երկրի պաշտպանունակության և ճկունության ամրապնդմանը»,- ասել է վարչապետը:
Նշենք, որ այսօր՝ սեպտեմբերի 9-ին Վրաստանում ավարատվեցին «Արժանի գործընկեր – 2022» բազմազգ զորավարժությունները: Դրանք անցկացվում էին Վազիանի զորավարժարանում ԱՄՆ-ի հովանու ներքո:
Հետևեք մեզ տելեգրամում
