Իրաքի հյուսիսում Թուրքիայի զինված ուժերի 4 զինծառայող է սպանվել Քուրդիստանի բանվորական կուսակցության (PKK-ՔԲԿ) հետ բախումների հետևանքով: Այս մասին հաղորդագրություն է տարածել Թուրքիայի պաշտպանության նախարարությունը:
Իրենց հերթին քրդական աղբյուրները հայտնում են, որ Սինջարի շրջանում թուրքական ԱԹՍ-ն խոցել է ՔԲԿ-ին պատկանող մեքենան: Հրթիռակոծության հետևանքով սպանվել է երկու քուրդ զինյալ, մեկը ստացել է մարմնական լուրջ վնասվածքներ:
Նշենք, որ ապրիլից Թուրքիան հայտարարել է, որ Իրաքի հյուսիսում «Մագիլ-Կողպեք» անվանումը կրող ռազմական գործողությունն է իրականացնում ՔԲԿ-ի դեմ, որոնց դիտարկում է ահաբեկչական: Հիշեցնենք, որ հուլիսի 20-ին Թուրքիան հրթիռակոծել էր Իրաքի Զախո հանգստավայրը, ինչի հետևանքով զոհվել էին խաղաղ բնակիչներ և վիրավորվել տասնյակ մարդիկ:
Հետևեք մեզ տելեգրամում
