Այսօր Իրանի ԱԳՆ մամուլի խոսնակ Նասեր Քանանին մամուլի ասուլիսի ժամանակ հայտարարել է, որ Իրանի միջուկային ծրագիրը բացարձակապես խաղաղ բնույթ ունի։
Նա կոչ է արել եվրոպացի գործընկերներին գնալ կառուցողական ճանապարհով և ուղի հարթել համաձայնագրի իրագործման համար:
Քանանին հավելել է, որ Իրանը սպասում է ԱՄՆ-ի վերջնական պատասխանին և հորդորում է ամերիկյան պաշտոնյաներին կառուցողական մոտեցում ցուցաբերել համաձայնության հասնելու համար։
Ավելի վաղ Գերմանիան, Մեծ Բրիտանիան և Ֆրանսիան համատեղ հայտարարությամբ հայտնել են, որ Իրանի միջուկային բանակցությունների շուրջ Իրանի վերջին դիրքորոշումները լուրջ կասկածներ են հարուցել միջուկային համաձայնագրին վերադառնալու Իրանի մտադրության վերաբերյալ։
Համաձայն հայտարարության՝ միջուկային գործարքին վերադառնալու համար եվրոպական կողմն առավելագույն ճկունություն է ցուցաբերել, մինչդեռ «Իրանը նախընտրել է չօգտագործել դիվանագիտական այս կարևոր հնարավորությունը և շարունակել զարգացնել իր միջուկային ծրագիրը»։
Հետևեք մեզ տելեգրամում
