Իրանի արտգործնախարար Հոսեյն Աբդոլլահիանն անդրադարձել է «Ադրբեջանի ու Հայաստանի միջև ռազմական գործողությանը»: Ինչպես փոխանցում է իրանական IRNA գործակալությունը, այս մասին նա խոսել է Իրանում ՌԴ դեսպան Լևոն Ճաղարյանի հետ հանդիպմանը, ով ավարտում է դիվանագիտական առաքելությունն Իրանում:
Գործակալության տվյալներով՝ Աբդոլլահիանն ընդգծել է, որ հակասությունները պետք է կարգավորվեն խաղաղ և քաղաքական ճանապարհով։
Իրանի ԱԳ նախարարը շեշտել է, որ տարածաշրջանում աշխարհաքաղաքական ցանկացած փոփոխություն անընդունելի է:
Նա կարևորել է անհրաժեշտ ջանքերի գործադրումը տարածաշրջանում խաղաղության վերականգնման համար:
Հետևեք մեզ տելեգրամում
