Իրանցի ուխտավորն Իրան է վերադարձել շուրջ եռամսյա կալանքից հետո. լուսանկար

Իրանցի ուխտավորն Իրան է վերադարձել Սաուդյան Արաբիայում 80-օրյա կալանքից հետո։ Տեղեկությունը հայտնում է Almayadeen լրատվամիջոցը։

Almayadeen-ը մանրամասնել է, որ Սաուդյան Արաբիայի անվտանգության ուժերը Քաաբայի մոտակայքում ձերբակալել էին իրանցի ուխտավոր Խալիլ Դարդմանդին, երբ նա պարզել էր ԻՀՊԿ «Ղոդս» ուժերի հրամանատար, նահատակ Ղասեմ Սոլեյմանիի լուսանկարը։

Համաձայն Almayadeen-ի թղթացի՝ ուխտավոր Խալիլ Դարդմանդն արդեն Իրանում է։

Դեռևս կիրակի Իրաքի և Օմանի արտգործնախարարները Ֆուադ Հուսեյնը և Սայիդ Բադր Ալ-Բուսաիդին Իրանի արտգործնախարար Հոսեյն Ամիր Աբդոլլաիանին տեղեկացրել են իրանցի ուխտավորի ազատ արձակման մասին։

Ավելի վաղ Իրանի արտգործնախարարը հեռախոսազրույց էր ունեցել օմանցի իր գործընկերոջ հետ՝ երախտագիտություն հայտնելով Իրաքի և Օմանի արտգործնախարարներին՝ Սաուդյան Արաբիայում կալանավորված իրանցի ուխտավորին ազատ արձակելու համար գործադրած ջանքերի առնչությամբ։