Ռուսաստանը զգալի քանակով աջակցություն է տրամադրելու Լիբանանին

Ռուսաստանը 25 հազար տոննա հացահատիկ է նվիրաբերելու Լիբանանին: Այս մասին հայտնել է Լիբանանի տրանսպորտի և հանրային աշխատանքի նախարար Ալի Համիեն:
Նրա խոսքով՝ Ռուսաստանը նաև 10 հազար տոննա հեղուկ նավթ է նվիրաբերելու Լիբանանին՝ սակայն այլ մանրամասներ չներկայացնելով:

Լիբանանում Ռուսաստանի դեսպանատունը չի մեկնաբանել շրջանառվող այս լուրը:
Հիշեցնենք, որ Ռուսաստանը հոկտեմբերի 29-ին հայտարարել էր, որ դուրս է գալիս Սև ծովով ուկրաինական հացահատիկի արտահանման գործարքից՝ ի պատասխան Սևաստոպոլում Սևծովյան նավատորմի նավերի վրա անօդաչու թռչող սարքի հարձակման: