Իրաքի արտգործնախարար Ֆուադ Հուսեյնը հայտարարել է, որ պաշտոնական Բաղդադը մերժում է արտաքին միջամտությունը երկրում:
Al Arabiya-ի հետ զրույցում Իրաքի արտգործնախարարն ընդգծել է, որ Իրանի կամ Թուրքիայի միջամտությունն Իրաքի ներքին գործերին անընդունելի է: Նրա խոսքով՝ Իրանի և Թուրքիայի հետ հակասությունները պետք է լուծվեն երկխոսության միջոցով:
Անդրադառնալով Սաուդյան Արաբիայի հետ հարաբերություններին՝ նա ընդգծել է, որ թագավորությունը Ծոցի կարևոր պետություն է, և Բաղդադի հարաբերությունները նրա հետ շատ կարևոր են՝ հավելելով, որ կառավարությունը ձգտում է պահպանել այն։
Նշենք, որ Իրաքի խորհրդարանը նախորդ հինգշաբթի վստահություն է հայտնել նորանշանակ վարչապետ Մուհամմադ Սուդանի կառավարությանը: Իսկ Ալ-Սուդանիին հոկտեմբերի 13-ին վարչապետի պաշտոնում նշանակել էր Իրանի նորընտիր նախագահ Աբդուլ Լատիֆ Ռաշիդը և հանձնարարել էր ձևավորել նոր կառավարություն:
Հիշեցնենք, որ Իրաքում խորհրդարանական ընտրությունները կայացել էին նախորդ տարի հոկտեմբերին, սակայն մեկ տարի շարունակ երկրում կառավարության ձևավորման գործընթացը ձախողվում էր:
Հետևեք մեզ տելեգրամում
