Հայ-իրանական հարաբերություններն ունեն երկար պատմություն և ոչ միայն կառավարությունների, այլև երկու ժողովուրդների միջև են այդ կապերը։ Այս մասին ասել է ՀՀ ԱԳՆ խոսնակ Վահան Հունանյանը իրանական Mehr լրատվամիջոցին տված հարցազրույցում:
Նա նշել է, որ Իրանը Հայաստանի հիմնական գործընկերներից է, և ապագայում երկկողմ հարաբերությունները բոլոր ոլորտներում ավելի են ընդլայնվելու։
«Կարծում եմ՝ Իրանի հետ թյուրըմբռնում չունենք, և հարցերի մեծամասնության շուրջ տարբեր կարծիքներ չունենք, և բնականաբար ապագայում մեր հարաբերություններն ավելի ու ավելի են զարգանալու»,- հավելել է Հունանյանը։
Խոսելով Ադրբեջանի հետ բանակցություններից՝ խոսնակն ընդգել է, որ Հայաստանը տարածաշրջանում խաղաղություն է ցանկանում, այդ պատճառով էլ բանակցում է Ադրբեջանի հետ, սակայն Բաքուն միշտ առավելագույն պահանջներ է ներկայացնում։
Նա շեշտել է, որ բոլոր խնդիրները պետք է լուծվեն բանակցային ճանապարհով և Ադրբեջանը ևս պետք է դրան հետամուտ լինի։
Հետևեք մեզ տելեգրամում
