Իրանի հետախուզության նախարարությունը հաղորդագրություն է տարածել վերջին օրերին Թավրիզ քաղաքի Շահչերաղի դամբարանում տեղի ունեցած ահաբեկչության առնչությամբ:
Ըստ հաղորդագրության՝ ձերբակալվել է 26 ահաբեկիչ: Ձերբակալվածներն Ադրբեջանի, Տաջիկստանի և Աֆղանստանի քաղաքացիներ են:
Նշվել է, որ Իրանում գործողությունների հիմնական համակարգողը Ադրբեջանի քաղաքացի է եղել, որը Բաքվի Հեյդար Ալիևի օդանավակայնից թռիչք է կատարել և ժամանել Իմամ Խոմեյնիի օդանավակայան: Թեհրան հասնելուց հետո նա կապ է հաստատել Ադրբեջանում համակարգող տարրերին:
«Նա նաև Աֆղանստանում ԻՊ շտաբի միջոցով կապ է հաստատել ԻՊ օտարերկյա քաղաքացիների ցանցի հետ և նրանց ևս տեղեկացրել իր Թեհրանում գտնվելու մասին»,- ասված է հաղորդագրության մեջ:
Շիրազում կատարված ահաբեկչությանն աջակցել են Աֆղանստանի քաղաքացին՝ Մոհամմադ Ռամզ Ռաշիդը Աբուբասիր կեղծանունով, ինչպես նաև Տաջիկստանի քաղաքացի Սոբհան Քոմրունին՝ Աբու Աիշա կեղծանունով, ով իրականացրել էր հրաձգությունը:
Ընդգծվել է նաև, որ ահաբեկիչները այլ գործողություններ էին նախապատրաստել:
Ավելի վաղ տեղեկացրել էինք, որ Շիրազ քաղաքի Շահչերազի դամբարանում ահաբեկչություն էր տեղի ունեցել։ Զոհվել էր 15 քաղաքացի, վիրավորվել՝ չորս տասնյակ մարդ: Զոհերի հիշատակին Իրանում եռօրյա սուգ էր հայտարարվել:
Հետևեք մեզ տելեգրամում
