Կիրակի ամենայն հավանականությամբ Բենիամին Նեթանյահուն Իսրայելի նախագահ Իցխակ Հերցոգի կողմից կնշանակվի վարչապետի պաշտոնում:
ԶԼՄ-ների հաղորդմամբ՝ նախատեսվում է Իսրայելի հաջորդ կառավարությունում ընդգրկել առնվազն 30 նախարար՝ փոխնախարարներին չհաշված:
Կիրակի ստանձնելով վարչապետի պաշտոնը՝ կառավարություն ձևավորելու համար Նեթանյահուն կունենա 28 օր՝ անհրաժեշտության դեպքում լրացուցիչ ևս 14 օր: Սակայն հայտնի է, որ Նեթանյահուն ցանկացնում է, որ որքան հնարավոր է շուտ լինի կառավարության և Քնեսեթի երդմնակալության արարողությունը:
Տարբեր լրատվամիջոցներ տեղեկություն էին տարածել այն մասին, որ նախագահ Հերցոգը փորձել է համոզել արդեն նախկին վարչապետ Յաիր Լապիդին և պաշտպանության նախարար Բենի Գանցին՝ Նեթանյահուի մրցակիցներին, իր հետ միասնական կառավարություն ձևավորել՝ խուսափելու ծայրահեղ աջեր կառավարություն մտնելուց:
Մինչդեռ Հերցոգի գրասենյակը հերքել է այս լուրերը:
Հիշեցնենք, որ նոյեմբերի 1-ին Իսրայելում կայացել էին խորհրդարանական ընտրությունները: Ընտրություններում հաղթանակ էր տարել նախկին վարչապետ Բենիամին Նեթանյահուի գլխավորած դաշինքը: Դաշինքում նրա «Լիկուդ» կուսակցությունից բացի ներառված են նաև ծայրահեղ աջ քաղաքական ուժերը:
Հետևեք մեզ տելեգրամում
