Իսրայելը պատրաստվում է Կատարի հետ համաձայնագիր ստորագրել Դոհայում ժամանակավոր գրասենյակ բացելու համար Ֆուտբոլի Աշխարհի առաջնությանն ընդառաջ: Այս տեղեկությունը տարածում են իսրայելական ԶԼՄ-ները:
Նախատեսվում է, որ համաձայնագիրը ստորագրվելու է առաջիկա օրերին: Այն հնարավորություն է տալու Իսրայելի արտգործնախարարության պաշտոնյաներին ժամանել Դոհա և գրասենյակ բացել Իսրայելի քաղաքացիների համար հյուպատոսական ծառայություններ տրամադրելու համար:
«Վերջին մի քանի ամիսների ընթացքում մենք ուսումնասիրում ենք FIFA-ի տարբերակները՝ իսրայելցիների պահաջների բավարարման համար, ովքեր ներկա կգտնվեն աշխարհի գավաթի հանդիպումներին», – հայտարարել է Իսրայելի արտաքին գործերի նախարարությունը:
Նախատեսվում է, որ հազարավոր իսրայելցիներ են մեկնելու Կատար՝ Ֆուտբոլի աշխարհի առաջնության խաղերը դիտելու: Նշենք, որ Կատարն ու Իսրայելը չունեն դիվանագիտական հարաբերություններ:
Հետևեք մեզ տելեգրամում
