Թեհրանում նախատեսվում են բողոքի ցույցեր անցկացնել ընդդեմ Ադրբեջանի

Իրանում ուսանողները նախատեսում են բողոքի ակցիա իրականացնել Ադրբեջանի դեսպանատան դիմաց: Տեղեկությունը փոխանցում են իրանական թելեգրամյան ալիքները:

Հաղորդվում է, որ բողոքի ակցիայի պատճառի Ադրբեջանի նախագահ Իլհամ Ալիևի հակաիրանական հայտարարություններն են: Ուսանողները հավաքվելու են Ադրբեջանի դեսպանատան դիմաց վաղն առավոտյան ժամը 10-ին:

Նշենք, որ վերջին շրջանում իրանա-ադրբեջանական հարաբերությունները բավականին լարվել են: Օրեր առաջ Թեհրանում Ադրբեջանի դեսպան Ալի Ալիզադեն կանչվել էր Իրանի արտգործնախարարություն Ադրբեջանում շարունակաբար տարվող հակաիրանական քարոզչության և այդ երկրի բարձրաստիճան պաշտոնյաների կողմից Թեհրանի հասցեին ոչ բարեկամական հայտարարությունների առնչությամբ: