Դոհայում Ֆուտբոլի աշխարհի առաջնություն 2022-ի բացման արարողության շրջանակներում հանդիպել են Եգիպտոսի նախագահ Աբդել Ֆաթթահ Սիսին և Թուրքիայի նախագահ Ռեջեփ Էրդողանը:
Սա երկու նախագահների առաջին հանդիպումն էր քանի որ Թուրքիան հրաժարվում է ճանաչել Սիսիի կառավարությունը, որը հեռացրեց նախագահ Մուհամեդ Մուրսիին՝ «Մուսուլման եղբայրներ»-ի անդամին, որոնց նկատմամբ Էրդողանն ուներ բարեկամական վերաբերմունք և սերտ կապեր:
Եգիպտոսի նախագահի գրասենյակը տեղեկացնում է, որ հանդիպումը երկկողմ հարաբերությունների զարգացման մեկնարկ է: Զրուցակիցներն ընդգծել են երկու երկրների և նրանց «ժողովուրդների միջև պատմական խորը կապերը»
Ուշագրավ է, որ տեղի ունեցած հանդիպումը գտնվում էր նաև թուրքական իշխանական և ընդդիմադիր մամուլի ուշադրության կենտրոնում: Եվ պատահական չէր, որ թուրքական թերթերը հիշատակել են Էրդողանի հայտնի հետյալ խոսքերը.
«Երեկը՝ երեկ էր, իսկ այսօրը՝ այսօր»:
Որոշ ազգայնական ուղղվածության թուրք սյունակագիրներ էլ չեն ողջունել Էրդողանի հանդիպումը Սիսիի հետ: Մասնավորապես Yeni Akit լրատվամիջոցի հոդվածագիր Ալի Քարահասանոօղլուն իր այսօրվա սյունակում հետյալ կերպ էր մեկնաբանել Սիսիի ու Էրդողանի ձեռքսեղմումը.
«Երանի չտեսնեի այս լուսանկարը։ Ես ապշեցի, երբ տեսա նրանց, Ցավալի է, որ Էրդողանը չկարողացավ իր 9 տարվա դիմադրությունը հասցնել իր տրամաբանական ավարտին, հիասթափված եմ»։
Հետևեք մեզ տելեգրամում
