Իրանական Irdiplomacy կայքում հրապարակվել է միջազգայնագետ Էհսան Մովահեդիանի հոդվածը Բաքու-Թեհրան հարաբերությունների վերաբերյալ:
Մովահեդիանն, անդրադառնալով Իրանի խորհրդարանի նախագահ Մոհամմադ Բաղեր Ղալիբաֆի այն հայտարարությանը, որ Իրանի ու Ադրբեջանի միջև թյուրըմբռնումները վերացել են, շեշտել է, որ այդ երկու երկրների խնդիրը թյուրըմբռնում չէ, այլ Բաքվի կողմից համակարգված առաջ տարվող հակաիրանական ռազմավարություն:
Մովահեդիանը մատնանշել է 30 տարվա ընթացքում Ադրբեջանի հակաիրանական քաղաքականությունը և շեշտել, որ չնայած հարաբերությունների կարգավորմանը միտված Իրանի պաշտոնական դիրքորոշմանը՝ Բաքուն երբեք չի դադարեցրել հակաիրանական քարոզչությունը:
Փորձագետը շեշտել է, որ Իրանը պետք է Բաքվի հակաիրանական գործողություններին ավելի վճռական ու գործնական արձագանքի: Այդ համատեքստում նա կարևորել է Ադրբեջանին այլընտրանքային երթուղիների զարգացումը, Ադրբեջանում ճնշված ազգերին, հոսեինական շարժմանը աջակցելը, Թավրիզում ՀՀ հյուպատոսության բացումը, Հայաստանի, Իրանի ու ՌԴ միջև ռազմական ու տնտեսական դաշինքի կնքումը, Վրաստանի հետ կապերի ամրապնդումը, Իրանի թյուրքախոս նահանգներում մշակութային քաղաքականությունում փոփոխություններ իրականցնելը, երկրի հյուսիս-արևմուտքում զորավարժությունների շարունակումը:
Հետևեք մեզ տելեգրամում
