Թուրքիայի բնակչության 90 տոկոսը ԱՄՆ-ին համարում է թշնամի երկիր

Թուրքիայի բնակչության կեսից ավելին Ռուսաստանին համարում է բարեկամ երկիր, մինչդեռ 90 տոկոսը ԱՄՆ-ին թշնամի է համարում: Այդ մասին հայտնում է թուրքական Գեզիչի հետազոտական կենտրոնը:

Հարցման համաձայն՝ Ռուսաստանին բարեկամ համարող Թուրքիայի բնակիչների թիվը կազմում է 62,6%:

Հարցվածների մոտավորապես 90%-ն էլ Միացյալ Նահանգներին համարում է թշնամի երկիր:

Հետազոտական կենտրոնի նախագահ Մուրադ Գեզիչիի խոսքերով այժմ այնպիսի պատկեր է ստեղծվել, երբ թուրքական հասարակությունը գնալով հեռանում է Արևմուտքից և ավելի է վստահում Ռուսաստանին։