Ռուսաստանի նախագահի մամուլի քարտուղար Դմիտրի Պեսկովն արձագանքել է վարչապետ Նիկոլ Փաշինյանի հայտարարությանը, որ Հայաստանում ՀԱՊԿ զորավարժություններ չեն անցկացվի։
«Սա ՀՀ վարչապետի կողմից բավականին նոր հայտարարությունն է։ Կարծում եմ ՝ ՀԱՊԿ-ի գծով գործընկերները կապի մեջ կլինեն, կհստակեցնեն Հայաստանի դիրքորոշման մանրամասները։ Ամեն դեպքում Հայաստանը մեր շատ մտերիմ դաշնակիցն է։ Մենք կշարունակենք երկխոսությունը, ներառյալ այն հարցերի շուրջ, որոնք այժմ բավական բարդ են»,- լրագրողների հետ զրույցում ասել է Պեսկովը, փոխանցում է ՏԱՍՍ-ը։
Նշենք, որ հունվարի 10-ին հրավիրած մամուլի ասուլիսում վարչապետ Նիկոլ Փաշինյանը հայտարարել էր, որ Հայաստանում ՀԱՊԿ խաղաղապահ զորամիավորումների զորավարժություններ չեն անցկացվի:
«Հայաստանի պաշտպանության նախարարը ՀԱՊԿ միավորված շտաբին գրավոր տեղեկացրել է, որ մենք ՀՀ-ում նման զորավարժություն անցկացնելը այս իրավիճակում նպատակահարմար չենք համարում։ Այդ զորավարժությունները համենայնդեպս այս տարի Հայաստանում չեն կայանա»,- հայտարարել էր Փաշինյանը:
Հետևեք մեզ տելեգրամում
