Ռուսաստանի, Սիրիայի և Թուրքիայի արտգործնախարարների եռակողմ հանդիպման անցկացման հստակ ամսաթվի վերաբերյալ դեռևս հստակություն չկա: Տեղեկությունը փոխանցում է սաուդական Asharq Al Awsat թերթը՝ հղում կատարելով թուրքական և սիրիական աղբյուրներին:
Մասնավորապես, թերթը, հղում կատարելով թուրքական իշխանամերձ «Hurriet» թերթին, գրել է, որ եռակողմ հանդիպումը կայանալու է առաջիկա շաբաթների ընթացքում: Թերթը գրել է, թե ռուսական կողմն առաջարկել է հանդիպումն անցկացնել հունվարի երկրորդ շաբաթում: Սակայն այդ ժամանակահատվածում Թուրքիայի արտգործնախարար Մևլութ Չավուշօղլուն մեկնելու է ԱՄՆ:
Նշվել է նաև, որ անմիջապես արդյունքներ պետք չէ ակնկալել հանդիպումից, քանի որ բարձրացվող հարցերը «շատ զգայուն» են:
Իր հերթին Ասադին մոտ կանգնած աղբյուրները հավաստում են, որ արտգործնախարարների հանդիպման անցկացման վերաբերյալ հստակ ժամկետներ չկան: Ըստ աղբյուրի՝ հանդիպման անցկացումը կապված է «իրավասու հանձնաժողովների» աշխատանքի հետ, որոնք ձևավորվել են Մոսկվայում պաշտպանության նախարարների հանդիպման արդյունքում:
Հետևեք մեզ տելեգրամում
