Իսրայելի նախագահ Իցխակ Հերցոգը թուրք գործընկերոջը հրավիրել է Իսրայել:
Ինչպես տեղեկացնում են իսրայելական ԶԼՄ-ները, Հերցոգը հրավերը փոխանցել է Իսրայելում Թուրքիայի նոր դեսպան Շաքիր Օզկան Թորունլարի հավատարմագրերն ընդունելու ժամանակ:
«Վստահ եմ, որ մենք շարունակելու ենք աշխատել երկու երկրների միջև հարաբերությունների ամրապնդման ուղղությամբ»,- ասել է Հերցոգը:
Հերցոգը հրավիրել է էրդողանին Իսրայել՝ հավելելով, որ այդ այցը կնպաստի երկու «երկրների միջև կապերի և համագործակցության խորացմանը»:
Հիշեցնենք, որ շուրջ երկու տասնամյակ Իսրայելի և Թուրքիայի միջև խզված էին դիվանագիտական հարաբերությունները: Երկկողմ հարաբերությունները լարվել էին 2010 թվականին «Մավի Մարմարա» նավի միջադեպից հետո: Անկարան տեղի ուենցածի կապակցությամբ իր դեսպանին հետ էր կանչել Թել Ավիվից: Թուրքիան Իսրայելից պահանջում էր պաշտոնապես ներողություն խնդրել և փոխհատուցել զոհվածների ընտանիքներին, իսկ Իսրայելը պնդում էր, որ իր զինված ուժերը գործել են միջազգային օրենքներին համապատասխան:
Հետևեք մեզ տելեգրամում
