Ն.Ս.Օ.Տ.Տ. Արամ Ա կաթողիկոսը հունվարի 11-ին ընդունել է Լիբանանում Ամերիկայի Միացյալ Նահանգների դեսպան Դորոթի Շիային: Տեղեկությունը փոխանցում է Մեծի Տանն Կիլիկիո կաթողիկոսությունը:
Նշվում է, որ հանդիպումը, որին ներկա եղել նաև դեսպանի փոխանորդը և մարդու իրավունքների պատասխանատու Կայ Լին, տևել է ավելի քան մեկ ժամ: Մտքեր են փոխանակվել Լիբանանում տիրող իրավիճակի՝ մասնավորապես նախագահական ընտրության և սոցիալ-տնտեսական ճգնաժամի շուրջ:
Ըստ աղբյուրի՝ Վեհափառ Հայրապետը նաև անդրադարձել է Արցախի ներկա մտահոգիչ կացությանը և առաջարկել դեսպանին, որ Միացյալ Նահանգները կատարեն անհրաժեշտ օժանդակությունը Բերձորի միջանցքը (Լաչինի միջանցք) վերաբացելու աշխատանքների գծով՝ մղված մարդասիրական մտահոգությամբ:
Հետևեք մեզ տելեգրամում
