Իսրայելի վարչապետ Բենյամին Նեթանյահուն հայտարարել է, որ իր կառավարությունն աշխատում է Սաուդյան Արաբիայի հետ խաղաղություն հաստատելու և Իրանի «ագրեսիան» դադարեցնելու ուղղությամբ: Տեղեկությունը փոխանցում է The Times of Israel լրատվամիջոցը:
Նրա խոսքով՝ այս երկու ուղղությունները «միահյուսված» նպատակներ են:
Նեթանյահուն հայտարարել է, որ Սաուդյան Արաբիայի հետ համաձայնության հասնելը դիվանագիտական «քվանտային թռիչք» կլինի: Ըստ նրա՝ Սաուդյան Արաբիայի հետ հարաբերությունների հաստատումը կփոխի նաև Իսրայելի հարաբերությունները արաբական աշխարհի մնացած երկրների հետ։
Նշենք, որ ԱՄՆ-ի միջնորդությամբ Իսրայելը արաբական չորս պետությունների հետ դիվանագիտական հարաբերություններ էր հաստատել:
Սակայն Սաուդյան Արաբիան բազմիցս հայտարարել է, որ Իսրայելի հետ հարաբերությունների կարգավորմանն ուղղված ցանկացած տեսակի խաղաղության համաձայնագիր կամ գործարքի նախապայմանը պաղեստինյան անկախ պետության ստեղծումն է:
Հետևեք մեզ տելեգրամում
