Լիբանանի խորհրդարանի պատգամավոր Հակոբ Բագրատունին Սիրիայի նախագահ Բաշար Ալ-Ասադի հետ Դամասկոսում կայացած հանդիպման ժամանակ փոխանցել է Լիբանանի հայության ցավը երկրաշարժի առնչությամբ՝ հավելելով, որ Արամ Ա վեհափառի այցելությունը Հալեպ լավագույնն է փաստում այն մասին, թե Սիրիան ինչքան կարևոր է հայության համար:
Բագրատունին հավելել է, որ սփյուռքի հայությունը քայլեր է ձեռնարկում՝ Սիրիայում բնակվող իր հայրենակիցների աջակցելու համար:
Նախագահ Ասադն իր հերթին շեշտել է, որ Սիրիայում հայկական համայնքը ոչ միայն տնտեսական կամ բարեկամական արժեք է, այլև քաղաքակրթական արժեք է, որը նպաստում է Սիրիայի զարգացմանն և նպաստում է ծայրահեղական և արմատական մտածողության դադարեցմանը:
Նշենք, որ Լիբանան-Սիրիա բարեկամության խմբի խորհրդարանական պատվիրակությունը, որի կազմում էր նաև հայազգի պատգամավոր Հակոբ Բագրատունին, մեկնել էր Դամասկոս և հանդիպել Բաշար Ալ-Ասադի հետ:
Հետևեք մեզ տելեգրամում
