Լիբանանի ազդեցիկ «Հեզբոլլահ» կուսակցությունը սատարելու է քրիստոնյա քաղաքական գործիչ Սլեյման Ֆրանժիեի թեկնածությանը երկրի նախագահի պաշտոնում: Այս մասին երեկ հայտարարել է «Հեզբոլլահի» առաջնորդ Հասան Նասրալլահը:
Սլեյման Ֆրանժիեն քրիստոնեական «Մարադա» շարժման ղեկավարն է: Նրա պապը՝ Սուլեյման Ֆրանժիեն նույնպես Լիբանանի նախագահն է եղել 1970-1976թթ.:
Ֆրանժիեի թեկնածությանը սատարում են նաև «Լիբանանյան ուժեր» կուսակցությունն ու «Ամալ» շարժումը:
Նշենք, որ Լիբանանում նախագահի պաշտոնը ամիսներ շարունակ թափուր է մնում: Նախկին նախագահ Միշել Աունի պաշտոնավարման ավարտից հետո խորհրդարանին այդպես էլ չի հաջողվել նախագահ ընտրել անհրաժեշտ քվորումի բացակայության պատճառով:
Հետևեք մեզ տելեգրամում
