Սիրիայի նախագահ Բաշար Ալ-Ասադը հայտարարել է, որ Ռեջեփ Էրդողանի հետ կհանդիպի միայն այն ժամանակ, երբ թուրքական զորքերը դուրս կբերվեն Սիրիայի տարածքից։
«Ինչ վերաբերում է Էրդողանի հետ հանդիպմանը, ապա դա կապված է այն փուլի հասնելու հետ, երբ Թուրքիան հստակորեն և առանց որևէ անորոշության պատրաստ կլինի Սիրիայի տարածքից զորքերի ամբողջական դուրսբերմանը, ահաբեկչությանը տրամադրվող աջակցության դադարեցմանը և վերադառնալու այնպիսի իրավիճակի, ինչպիսին եղել է Սիրիայում մինչև պատերազմի մեկնարկը: Սա է միակ տարբերակը, որով կարող է կայանալ իմ հանդիպումը Էրդողանի հետ»,- ասել է Բաշար ալ-Ասադը «ՌԻԱ Նովոստիին»:
«Բացի այդ, ո՞րն է նման հանդիպման իմաստը կամ ինչո՞ւ կազմակերպել այն, եթե դա վերջնական արդյունքների չի բերելու պատերազմին»,- ավելացրել է Ալ-Ասադը:
Սիրիայի նախագահը Թուրքիային անվանել է «օկուպանտ պետություն» և հավելել, որ Անկարայի գործողություններն՝ այդ թվում աջակցությունն այնպիսի խմբերին, որոնք պաշտոնական Դամասկոսը համարում է ահաբեկչական, բացասաբար են անդրադառնում Սիրիայի պատերազմի վրա։
Հետևեք մեզ տելեգրամում
