Իսրայելի և Իրանի արտգործնախարարներ Էլի Կոհենն ու Ջեյհուն Բայրամովը պայմանավորվել են Իրանի դեմ միասնական ճակատ ձևավորել: Այս մասին գրում է i24news-ը՝ մեջբերելով Իսրայելի արտգործնախարարի խոսքերը:
«Արտգործնախարար Բայրամովի հետ պայմանավորվել եմ Իրանի դեմ միասնական ճակատ ձևավորելու, ինչպես նաև տնտեսության, անվտանգության, էներգետիկայի և նորարարության/ինովացիայի ոլորտներում մեր համագործակցության ամրապնդման շուրջ»,- հայտարարել է Էլի Կոհենը:
Իսրայելի արտգործնախարարը նաև հավելել է, որ շուտով տնտեսական մեծ պատվիրակության հետ քաղաքական այցով կմեկնի Բաքու:
Հանդիպման ժամանակ արտգործնախարարներն ընդգծել են երկու երկրների միջև «ջերմ ու ռազմավարական հարաբերությունները, որոնք այս օրերին առավելագույնին են հասնում Իսրայելում Ադրբեջանի դեսպանատան բացմամբ»։
Նշենք, որ Ադրբեջանի արտգործնախարարն Իսրայել էր ժամանել Ադրբեջանի դեսպանատան բացման արարողությանը մասնակցելու համար:
Հետևեք մեզ տելեգրամում
